நட்புச் சிறகுகள் நான்கைந்து ..!

 

&

 

நட்புச் சிறகுகள் நான்கைந்து 

 

வானின் குறுக்கே அருகருகாய் 

 

அணிவகுப்போ எனப் பறக்கையிலே 

 

நெஞ்சில் துள்ளுது ஓர் ஆனந்தம் -

 

பறவையாய்ப் பிறக்க ஆசை கொண்டேன் 

 

தடை இல்லாத பயணம் கனவு கண்டேன் -

 

மறைப்பது எதுவும் இடையில் இல்லா

 

இயற்கைக் காட்சிகள் இனி என் வயமாகும் -

 

காற்றின் முதுகில் மிதந்து செல்வேன்  

 

மேகங்கள் என்னை நெருங்கி வரும்

 

கீதங்கள் தன்னால் பிறந்து வரும் 

 

அலைகளின் மேலே அலைந்திடுவேன் 

 

காலைக் கதிரைக் கிழக்கில் வரவேற்பேன்

 

நிலவின் தனிமையில் நட்பாவேன் !

 

 

 

 

----சந்திர கலாதர்